Frá
Teigi 1, Fljótshlíð
Teigi 1, Fljótshlíð
Hvítur, vel hyrndur með fremur fríðan og nokkuð sveran haus. Þykkur háls og mjög vöðvafylltar herðar. Vottar fyrir slöðri aftan herða en útlögur mjög góðar. Bakvöðvinn þykkur og malahold gríðarmikil. Frábær lærahold, lærvöðvi sérstaklega þykkur og kúptur. Góð fótstaða. Ágætlega bollangur, kviðléttur og frísklegur hrútur.
Fölgulur á haus og fótum. Lítið um gul hár í ull. Ullarmagn í tæpu meðallagi. Þelið jafnt og þykkt en togið stutt og gisið.
Stáli er arfblendinn hvítur en erfir hvorki mórautt né tvílitt.
Hlutlaus.
| Lambhrútaskoðun | ||
|---|---|---|
| Ár: | 2010 | 2011 |
| Fjöldi | 154 | 45 |
| Þungi | 46.2 | 46.2 |
| Fótleggur | 110 | 110 |
| Læri | 17.5 | 17.3 |
| Ull | 7.9 | 8 |
| Ómvöðvi | 28.6 | 28.3 |
| Ómfita | 2.7 | 2.7 |
| Lögun | 4 | 4 |
| Kynbótamat (BLUP) | |
|---|---|
|
50 60 70 80 90 100 110 120 130 140 150 |
|
| Gerð |
117 |
| Fita |
140 |
| Kjötgæði |
131 |
| Frjósemi |
106 |
| Mjólkurlagni |
113 |
Stáli 06-831 kom til notkunar á stöð sumarið 2009 á grunni mjög góðrar reynslu af heimabúi fyrir kjötgæði sláturlamba.
Hann var mikið notaður fyrsta vetur sinn á stöð en heldur minna í fyrra.
Þó nokkur hópur hrútlamba undan honum hefur komið til skoðunar og eru þau breytileg að gerð en inn á milli lömb sem sýna mikla kosti, sérstaklega hvað mala- og lærahold snertir.
Hann skipar sér ekki á toppinn hvað bakvöðvamælingar snertir líkt og Bjargvættur afi hans gerði á sinni tíð.
Stáli er þó að skila verulegum kjötgæðum til afkvæma sinna sem eru yfirleitt nokkuð kviðlétt og frískleg á velli.
Líkt og í fyrra bar eitthvað á bitgöllum hjá afkvæmum hans umfram aðra sæðingastöðvahrúta.
Nokkur reynsla er að koma á Stála sem ærföður og viðbótarupplýsingar um stóran hóp veturgamalla dætra hans í vor hækkaði frjósemismatið verulega líkt og væntingar stóðu til út frá móðurætt hans og lýst var í hrútaskrá síðasta árs.
Hvað mjólkurlagni snertir bendir sú reynsla sem komin er til þess að dætur hans séu góðar mjólkurær.
Einnig skal tekið fram að dætur hans standa að baki mörgum líflömbum heima í Teigi núna í haust.
Staðfesti frekari reynsla þetta er Stáli mjög mikill alhliða kynbótahrútur þar sem hann er einnig fjarskyldur þeim línum sem vinsælastar hafa verið á stöðvunum undanfarin ár.