Frá
Melum 1, Árneshreppi
Melum 1, Árneshreppi
Hvítur, kollóttur. Breiður og svipfríður haus. Hálsinn stuttur og sver og herðarnar breiðar. Útlögur prýðilegar. Góð bakhold og vel vöðvafylltar malir. Lærvöðvi breiður og mjög þykkur. Öflug fótstaða. Í meðallagi bollangur hrútur sem samsvarar sér ágætlega.
Hreinhvítur en dökkar dröfnur á haus og eyrum. Engin svört hár í reyfi. Ákaflega ullarmikill með þykkt þel. Hrokkið, meðalfínt og mikið tog.
Týr er arfhreinn hvítur.
Hlutlaus.
| Lambhrútaskoðun | |
|---|---|
| Ár: | 2010 |
| Fjöldi | 39 |
| Þungi | 48.4 |
| Fótleggur | 111 |
| Læri | 17.5 |
| Ull | 8.3 |
| Ómvöðvi | 28.7 |
| Ómfita | 3.3 |
| Lögun | 4 |
| Kynbótamat (BLUP) | |
|---|---|
|
50 60 70 80 90 100 110 120 130 140 150 |
|
| Gerð |
123 |
| Fita |
100 |
| Kjötgæði |
109 |
| Frjósemi |
98 |
| Mjólkurlagni |
92 |
Týr 06-819 var fenginn frá Melum 1 í Árneshreppi sumarið 2009 vegna mjög jákvæðrar reynslu af afkvæmum hans þar.
Að ætterni er rétt að vekja athygli á því að móðurfaðir hans Nagli 98-064 hefur verið ættfaðir margra þeirra úrvalsgripa sem komið hafa frá Melum 1 á síðustu árum.
Hrútahópurinn á Melum frá árinu 2006 er einhver sá einstakasti að gæðum sem sést hefur á einu búi og Týr gaf mjög athyglisverðar niðurstöður í afkvæmarannsóknum heimahrútanna bæði 2007 og 2008.
Ómmælingar lambanna hafa að vísu verið um meðaltal, en lömbin mjög vel gerð með mikil lærahold og vænleiki þeirra góður.
Það var einn þeirra þátta sem taldi nokkuð við val hans á stöð.
Kjötmat sláturlambanna hefur verið feikilega gott sérstaklega um gerð falla.
Haustið 2009 var hópur glæsilamba undan honum heima á Melum.
Ekki er enn fengin nein teljandi reynsla um Tý sem ærföður en allstór hópur af veturgömlum dætrum hans á Melum sýndi vorið 2009 frjósemi talsvert umfram jafnöldrur sínar á búinu.
Móðir hans Þrá 01-513 var felld árið 2008.
Hún var geld gemlingsárið en ætíð tvílembd eftir það og farsæl afurðaær með 5,3 afurðastig.