Frá
Hesti, Borgarfirði
Hvítur, vel hyrndur og svipfríður. Sver og þykkur háls sem fyllir vel að holdfylltum herðum. Breið og víð bringa. Þykkt bak, malir breiðar og kúptar, lærvöðvi mjög þykkur með áberandi góða innanlærisfyllingu. Fótstaða góð. Í meðallagi bollöng, mjög prúð og gæf kind.
Gulur í hnakka, á fótum og dindli en lítið um gul hár í reyfi og engin svört hár fundust. Reyfið jafnt, ullarmagn í meðallagi og togið meðalfínt.
Kveikur er arfblendinn hvítur en erfir hvorki mórautt né tvílitt.
Hlutlaus.
| Lambhrútaskoðun | |||||
|---|---|---|---|---|---|
| Ár: | 2007 | 2008 | 2009 | 2010 | 2011 |
| Fjöldi | 364 | 274 | 437 | 442 | 249 |
| Þungi | 47.9 | 47.2 | 49 | 47.1 | 48.1 |
| Fótleggur | 111 | 110 | 111 | 109 | 110 |
| Læri | 17.3 | 17.3 | 17.4 | 17.5 | 17.4 |
| Ull | 7.9 | 7.8 | 7.8 | 7.9 | 7.9 |
| Ómvöðvi | 29.3 | 30 | 29.9 | 30 | 29.4 |
| Ómfita | 2.4 | 2.5 | 2.5 | 2.3 | 2.5 |
| Lögun | 4.1 | 4.2 | 4.2 | 4.2 | 4.1 |
| Kynbótamat (BLUP) | |
|---|---|
|
50 60 70 80 90 100 110 120 130 140 150 |
|
| Gerð |
117 |
| Fita |
135 |
| Kjötgæði |
128 |
| Frjósemi |
104 |
| Mjólkurlagni |
113 |
Kveikur kom ásamt Rafti 05-966 til notkunar á stöð haustið 2006 þegar fyrir lágu frækilegar niðurstöður þeirra úr afkvæmarannsókn.
Kveikur hefur síðan verið feikilega mikið notaður á stöðvunum í þrjú ár.
Afkvæmi hans hafa rækilega staðfest að hann er einstök kynbótakind með tilliti til kjötgæða þar sem fer saman gríðarlega góð vöðvasöfnun og lítil fita.
Margt bendir til að Kveikur gefi heldur þroskameira fé en Raftur.
Á síðasta hausti kom strax fram mjög stór hópur sona Kveiks um allt land sem eru gríðarlega miklar kostakindur með tilliti til kjötgæða.
Tveir synir hans eru þegar komnir á stöð og þess má vænta að þeim fjölgi stórlega á næsta ári.
Mikil reynsla er fengin um Kveik sem ærföður og virðast kostir hans í þeim efnum ótvíræðir.
Frjósemi er vel yfir meðallagi og niðurstöður fyrir rúmlega þúsund dætur hans á síðasta vori styrkja það enn frekar.
Þessar ær virðast einnig vera mjög mjólkurlagnar.
Kveikur hefur því tvímælalaust skipað sér sess sem einn af öflugustu kynbótahrútum sem fram hafa komið hér á landi og reynsla er fengin um.